حافظى على نضارة بشرتك بهذه الطريقة

جمال المرأة فى نضارة بشرتها 


مقاييس الجمال كتيرة ومتعددة وبتختلف من شخص  ل أخر وصعب تلاقى كل الناس تتفق على معيار ثابت للجمال

لان الموضوع ف النهاية نسبى ....لكن مافيش حد يختلف ف ان نضارة البشرة وخلوها من التجاعيد 

هو تاج جمال المرأة وعشان كدة حانقولك على شوية نصايح عشان تحافظى على بشرتك من الارهاق والتجاعيد

و كلها باساليب وطرق طبيعية بعيدا عن اى ادوية او مستحضرات تجميل 


الأكل الصحى


اكل صحى بعيد عن الزيوت والدهون يساوى بشرة نضرة وجميلة بس خلاص هى معادلة سهلة وبسيطة 

حافظى دايما على نظام غذائى صحى والتزمى بيه وابعدى قدر الامكان عن الوجبات المصنعة 

او المشبعة بالدهون ...ولازم تكلى مرتين فى الاسبوع سمك لان الاسماك غنية بالاوميجا 3

وده عامل اساسى فى نضارة البشرة وحمايتها من التجاعيد


2 لتر ماء يوميا


لازم تحافظى على شرب 2 لتر مياة يوميا للحفاظ على ترطيب البشرة بشكل طبيعى 


النوم الصحى


لازم تنامى كويس جدا من 7 الى 8 ساعات يوميا لانة النوم بشكل كافى بيساعد على تجديد خلايا البشرة 

ممارسة الرياضة 


الرياضة بانتظام بتسعد على تخلص الجسم من السموم  وكمان بتساعد على تقليل التوتر ال له تاثير سلبى على نضارة البشرة

وصحتها وكمان بتحفز الجسم انه يتقبل كميات مياه اكبر 

المكياج


شيلى اى مكياج على بشرتك قبل النوم لانه بيسد مسام البشرة و بيتسبب ف تشققها

الفيتامينات


تناولى تغذية تكون مليئة ب فيتامينات A B C E

و دى موجودة فى البرتقال - الفول السودانى - اللوز

و دى هامة جدا لنضارة البشرة وصحتها



مسببات الضرر للبشرة عند المراة

يوجد العديد من الاسباب والعوامل التى تؤدى الى اضرار بالغة بالبشرة حنذكرها بالترتيب

قلة رعاية البشرة


والمقصود بالرعاية هو الاهتمام بنظافة البشرة لان قلة الاهتمام بنظافة البشرة بيؤدى الى ضرر كبير 

بالبشره و بيذود امكانية ظهور التجاعيد ووجود تشققات .

اشعة الشمس الضارة


التعرض لاشعة الشمس بدرجة اعلى من الطبيعى بتتسبب فى حروق للبشرة وبتقلل نسبة الكولاجين ال بيساعد على شد البشرة 


التوتر 

التوتر او الاجهاد النفسى بياثر سلبا على البشرة و نضارتها

الهرمونات

التغيرات الهرمونية ال بتحصل فى الجسم بتاثر على البشرة زى هرمونات فترة المراهقة و الحمل

التدخين


التدخين من اكبر مسببات تلف البشرة وظهور التجاعيد بشكل مبكر ده غير اضرارة على الجسم كلة

الكحول


الافراط فى شرب الكحول بيؤدى الى تلف البشرة وجفافها

الماء

الماء عامل اساسى لترطيب البشرة ف اى تقليل فى شرب المياه له اثر سلبى على البشرة

الغذاء

نضارة البشرة دليل على اتباع نظام غذائى صحى غنى بالفيتامينات والمعادن ال بتغذى البشرة

مع البعد كل البعد عن اى وجبات سريعه او لحوم مصنعه مع التركيز على اكل الخضروات والفواكه

واخيرا 

بنصحكم ب كل ماهو طبيعى للحفاظ على بشرتكم ونضارتها من غذاء صحى  و شرب كميات وفيرة من المياة

وممارسة الرياضة بشكل يومى و اتباع نظام ريجيم لتخفيف الوزن لتفادى ظهور السيلوليت فى الجسم

والابتعاد عن شرب الكحول بانواعه  و الامتناع عن التدخين

و عدم التعرض لاشعة الشمس الضارة

والبعد عن اى ضغوط نفسية  مع الاهتمام بنظافة البشرة مع استخدام مرطبات ليلية تكون مصنوعة من مواد طبيعية 100%
















google-playkhamsatmostaqltradent